نبراس السياسة ؟

نبراس السياسة ؟

هذه القصيدة قيلت في رثاء صاحب السمو الملكي الأمير سعود الفيصل - رحمه الله وطيب ثراه - الذي وافاه الأجل المحتوم

يوم الخميس الموافق 2015/7/9 م وهي مرفوعة مع خالص العزاء وصادق المواساة إلى مقام صاحب السمو الملكي

الأمير الشاعر خالد الفيصل ( دايم السيف ) - أمير منطقة مكة المكرمة - حفظه الله ورعاه :

يا الله يا محدّد للآجال ميعاد = يا مبّديٍ ومعيد يا خير معبود

يا مسيّرٍ رحب الفضاء حيث ما راد = وأمره بكاف ونون ما هو بمردود

يا ربّ تحسِن بالعزاء لأمة الضاد = وتجبر مصاب اللي شكى لوعة سعود

على بلدّنا خيّمت سحب الأنكاد = يا كنّ فيصل توه اليوم مفقود

خطبٍ دهانا وانتقى قرم الأولاد = وحلّت بمكة للعزاء وفود وحشود

مرحوم يا رمز السياسة والأمجاد = يا باذلٍ لأجل الوطن كلّ مجهود

أربع عقودٍ بالوفاء تجهد إجهاد = وكفك بديم وفيض الإحسان ممدود

على المعالي والمواجيب معتاد = وفي كلّ قمة شامخٍ كنّك الطود

بين الدول لك موقفٍ فيه ينشاد = ونور التفاني والذكاء فيك مشهود

في حنّكتك يشهد لك أقراب وأضداد = وشادت لك الهيئات بالفكر والزود

لك العزاء يا اللي للأنفال ودّاد = باللي نحتّ به بيض الأيام والسود

ما للقضاء يا دايم السيف ردّاد = ولا يندفع في كل الأحوال مأكود

عدّ الفناء حتّماً له الناس ورّاد = وما فيه حيٍّ كود له يوم موعود

كلّ الرقاب لسطوة الموت تنقاد = وما طاب لك ما دام يا منّبع الجود

لوّ الأجل مع كثر الأحباب يزداد = كان النّبي خير الورى حيّ موجود

عبدالعزيز الفدغوش